Twitter-skrifin í takt við nútímann
Setja bókamerki
Donald Trump, forseti Bandaríkjanna, hefur komið sjálfum sér til varnar og sagt notkun sína á samfélagsmiðlum í takt við nútímann. Forsetinn hefur verið harðlega gagnrýndur fyrir ummæli sín á Twitter, sérstaklega síðustu daga þar sem hann hefur kallað tvo þáttastjórnendur m.a. heimska og sturlaða.
Á Twitter í gær skrifaði Trump að notkun hans á samfélagsmiðlum væri nútímaleg.
Bæði demókratar og repúblikanar hafa gagnrýnt tíst forsetans en starfsfólk Hvíta hússins, og nú forsetinn sjálfur, hafa varið hvernig hann notfærir sér miðlana. Forsetinn sagði í gær að samfélagsmiðlar gerðu honum kleift að ná beinu sambandi við almenning, án aðkomu fjölmiðla sem hann hefur oft sakað um að flytja „falskar fréttir“. Þá sagði hann fólki jafnframt að muna að hann vann kosningarnar í fyrra með „viðtölum, ræðum og samfélagsmiðlum“.
Forsetinn náði að koma „fölskum fréttum“ að í ræðu sinni í gærkvöldi fyrir fyrrverandi hermenn í Washington D.C. Þar lofaði hann því að Ameríka myndi „vinna að nýju“ og hlaut lófaklapp fyrir.
„Falskir miðlar eru að reyna að þagga niður í okkur en við leyfum þeim það ekki,“ sagði hann í gærkvöldi. „Falskir miðlar reyndu að stöðva okkur í að fara í Hvíta húsið. En ég er forseti og þau ekki.“
Ekki hægt að slá gosið út af borðinu strax
Auka aðgengi að Grindavík
Létu lofthræðsluna ekki á sig fá
Falskur fyrirvari á auglýsingum Höllu
Ákærður fyrir stunguárás á menningarnótt
Koma fyrstu tölur á sunnudagskvöldið?