Andrúmsloftið í Hvíta húsinu „frábært“
Setja bókamerki
Donald Trump Bandaríkjaforseti segir andrúmsloftið í Hvíta húsinu frábært þrátt fyrir umfangsmikla rannsókn yfirvalda á því hvort Rússar hafi haft afskipti af forsetakosningunum. Trump kom fram í viðtali við Reuters-fréttastofuna í gær þar sem hann sagði ríkisstjórn sína „starfa fallega“.
Þetta kemur fram í frétt breska ríkisútvarpsins BBC.
Trump kom elsta syni sínum, Donald Trump yngri, einnig til varnar í viðtalinu, en greint hefur verið frá því síðustu daga að hann hafi hitt rússneskan lögfræðing í miðri kosningabaráttunni með það í hyggju að klekkja á Hillary Clinton.
Trump yngri hitti Nataliu Veselnitskaya sem sagðist geta veitt honum gögn sem væru skaðleg fyrir Clinton. Hann sagði í viðtali við Fox News í vikunni að fundurinn hefði verið „algjörlega ekkert mál“ en játaði að hann hefði átt að bregðast öðruvísi við.
Yfirvöld í Bandaríkjunum rannsaka hvort og hvernig Rússar hafi haft afskipti af forsetakosningunum en frá því að Trump var kjörinn forseti hefur hann legið undir þungum ásökunum vegna málsins.
Trump segist þó ekkert hafa vitað um fund sonar síns við Veselnitskaya þar til fyrir tveimur dögum. Hann varði þó son sinn og sagði að margir í sömu sporum hefðu gert hið sama.
Trump og Pútín nái vel saman
Í öðru viðtali, við kristilegu sjónvarpsstöðina CBN í gær, sagði Trump að vel færi á með þeim Vladimir Pútín Rússlandsforseta. Forsetarnir hittust á leiðtogafundi G20-ríkjanna í Hamborg í síðustu viku.
„Fólk sagði oh, þeir ættu ekki að ná saman. En hver eru þau að segja það? Mér finnst við ná mjög, mjög vel saman.“
Hraun kemur úr þremur gígum: Virknin stöðug
Fullvissa ferðamenn um að hér sé öruggt
Rússar sagðir útvega N-Kóreu milljón olíutunnur
Virknin dregist saman um 600 metra
Hótar Bretum og Bandaríkjamönnum
„Má segja að þetta gos hafi þjófstartað“
Drónamyndskeið frá hápunkti gossins í nótt