Veggurinn verði þakinn sólarsellum
Setja bókamerki
Donald Trump Bandaríkjaforseti vill þekja „vegginn“ á landamærum Bandaríkjanna og Mexíkó sólarsellum. Þetta ítrekaði hann við blaðamenn um borð í Air Force One-forsetaflugvélinni á leið til Parísar í dag þar sem hann mun vera viðstaddur hátíðarhöld á Bastilludaginn.
„Það eru stór fyrirtæki að skoða þetta. Pælið í því, það er enginn staður betri fyrir sólarsellur en landamæri Mexíkó,“ sagði Trump og bætti við að það myndi líka líta vel út.
Þá sagði Trump að fólk þyrfti að geta séð í gegnum vegginn, að minnsta kosti að einhverju leyti. „Þannig þetta gæti verið stálveggur með götum, en þú verður að hafa göt til að sjá hvað er í gangi hinum megin.“
„Þegar þeir henda stórum pokum af fíkniefnum yfir og fólk er hinum megin við vegginn gæti það fengið 30 kílóa þungan poka í hausinn. Eins klikkað og það hljómar þá verður að sjást í gegn.“
„Börn heima sem maður myndi vilja hafa í skjóli“
Fyrsti blaðamannafundurinn í heild sinni
Bjarni: „Útilokað að þetta geti gengið upp“
Stormur á Þorláksmessu en víðast hvar stefnir í hvít jól
„Þetta er ríkisstjórn almannahagsmuna“
Ók á hóp fólks á jólamarkaði: Einn látinn
Víkingar komnir yfir 800 milljónir í greiðslur
Ný ríkisstjórn kynnt á morgun
