Þingið ræðir afnám Obamacare
Setja bókamerki
Umræða er nú hafin á Bandaríkjaþingi um nýtt heilbrigðisfrumvarp Donald Trumps Bandaríkjaforseta. Fyrr í dag hafði þingheimur greitt atkvæði um það hvort frumvarpið yrði tekið til afgreiðslu og þykir nokkur sigur fyrir forsetann að frumvarpið fáist nú rætt. Greint var frá því í síðustu viku að frumvarpið nyti ekki stuðnings nógu margra þingmanna Repúblikanaflokksins.
Segir BBC nokkra þingmenn Repúblikanaflokksins, sem áður höfðu lýst sig andvíga frumvarpinu, hafa skipt um skoðun á síðustu stundu og kosið með því að frumvarpið yrði tekið til afgreiðslu.
Fyrri tilraunir Trump til að afnema Obamacare, heilbrigðisstefnu forvera síns, hafa ekki gengið vel. Eitt af kosningaloforðum hans var að Obamacare skyldi víkja.
Áður en atkvæðagreiðsla hófst varaði forsetinn þingmenn repúblikana við afleiðingum þess að frumvarpið kæmist ekki í gegn.
Var engin kristnitaka árið 1000?
Barn lést í árásinni
Samfylking og Viðreisn gáfu loforð
Funda með þingflokkum
Fyrsti blaðamannafundurinn í heild sinni
„Mér finnst gamla Samfylkingin komin aftur“
