Átta ára kleif Kilimanjaro

Hin átta ára gamla Roxy Getter frá Flórída hefur klifið hæsta fjall Afríku og er því yngsta stúlkan til að vinna slíkt afrek.

Fjallið Kilimanjaro er í Tansaníu og er 5.895 metra hátt.

Roxy litla var á ferðalagi með fjölskyldu sinni í Afríku nýverið og gekk fjölskyldan saman á tind Kilimanjaro.

„Fyrsti dagurinn var einn af þeim erfiðari, hann var næst erfiðastur,“ segir Roxy um fjallgönguna. „Maður varð að fara upp og niður og svo aftur upp og niður.“

Fjölskyldan tjaldaði á fjallinu og er þetta fyrsta tjaldútilega hennar. Áður en lagt var af stað til Afríku hafði fjölskyldan æft sig heima í Flórída með því að hlaupa upp og niður stiga.

Þegar hópurinn kom á tind Kilimanjaro var þar aðeins um 7 stiga hiti sem er mun lægra en Getter-fjölskyldan á að venjast heima í Flórída.

Móðir Roxyar segir að hún hafi verið mjög dugleg í fjallgöngunni. Hún hafi ekki kvartað. „Það voru börnin sem héldu okkur við efnið með sínu jákvæða hugarfari.“

Grein BBC um málið.

• 1 blogg um fréttina

Bloggað um fréttina

• Geir Magnússon: Er blaðabörnum hjá Mogga ekkert leiðbeint?