Kaþólskur prestur gripinn með 13 ára stúlku

55 ára prestur og stjórnandi kaþólsks skóla hefur verið sviptur stöðu sinni eftir að hann var gripinn við að keyra 13 ára stúlku á mótel. Maðurinn keypti sér þjónustu stúlkunnar í gegnum hórmangara hennar á 1.000 krónur. Hann er nú ásakaður um barnaníð.

Maðurinn heitir Arnel Fuentes Lagarejor og er fyrrverandi sóknarprestur safnaðarins St John The Baptist og formaður Caina Catholic College. Atvikið átti sér stað nálægt borginni Marikina á Filippseyjum. Lagarejos stendur nú frammi fyrir ákæru um að hafa brotið lög Filippseyja um mansal.

Presturinn er sagður hafa gert ráðstafanir í gegnum samfélagsmiðla til að hitta 13 ára barnið og hórmangara hennar fyrir utan verslunarmiðstöð. Þar á hann að hafa hafa borgað 500 filippseyska pesóa, um 1.000 krónur, fyrir að taka stúlkuna með sér.

Lagarejos hafði áður keypt sér þjónustu stúlkunnar, sem kvartaði undan misnotkuninni við félagsráðgjafa. Þeir létu móður barnsins vita af ofbeldinu sem tilkynnti það svo til lögreglu.

Á leið sinni á mótelið var presturinn handtekinn og reyndist stúlkan vera tálbeita lögreglu. 

Filippseyska lögreglan nýtti sér samfélagsmiðla til að finna út hver væri að selja stúlkuna vændiskaupendum. Hórmangarinn reyndist vera 16 ára vinur hennar.  Miðillinn Independent greinir frá.

• 2 blogg um fréttina

Bloggað um fréttina

• Jóhannes Ragnarsson: Síra Baldvin brást við ljótri frétt af 55 ára presti
• Kristin stjórnmálasamtök: Presturinn, Stalín og Múhameð