Samband landanna „hættulega slæmt“
Setja bókamerki
Samband Bandaríkjanna og Rússlands er „hættulega slæmt“ að sögn Donalds Trump Bandaríkjaforseta. Trump undirritaði í gær lög sem fela í sér ýmiss konar refsiaðgerðir gegn Rússum.
Öldungadeild Bandaríkjaþings hafði áður samþykkt að beita refsiaðgerðunum vegna afskipta Rússa af bandarísku forsetakosningunum á síðasta ári og fyrir að hafa innlimað Krímskaga sem var áður undir yfirráðum Úkraínu.
Trump var mótfallinn aðgerðunum og börðust aðstoðarmenn hans gegn því að þær yrðu samþykktar á þinginu, án árangurs.
„Samband okkar við Rússa er verra en nokkru sinni og hættulega slæmt,“ skrifaði Trump á Twitter í dag. „Þið getið þakkað þinginu, sama fólki og getur ekki einu sinni gefið okkur HCare!“
Refsiaðgerðunum er að hluta ætlað að refsa Rússum fyrir innlimun Krímskaga árið 2014, grunur um afskipti rússneskra ráðamanna af forsetakosningunum í Bandaríkjunum á síðasta ári hefur þó einnig haft áhrif.
Utanríkisráðuneyti Rússlands segir að refsiaðgerðirnar séu hættulegar og beri vott um skammsýni.
Í yfirlýsingu frá utanríkisráðuneytinu kemur fram að aðgerðirnar geti dregið úr stöðugleika í heiminum en Rússland og Bandaríkin beri sérstaka ábyrgð á því að halda þeim stöðugleika.
Þar segir einnig að aðgerðirnar séu „fjandsamlegar“ og að Rússland áskili sér rétt til að svara þeim.
Hentugt gos fyrst gýs á annað borð
Litlar líkur á að hraunið nái til mannvirkja
Drónamyndskeið frá hápunkti gossins í nótt
Hraun kemur úr þremur gígum: Virknin stöðug
/frimg/1/53/7/1530787.jpg)
Flogið á milli ljósaskipta
„Höfum sloppið bærilega með skaða af þessu gosi“
Sjötti ferðamaðurinn er látinn
Dómur þyngdur um þrjú ár