Donald Trump Bandaríkjaforseti þakkaði Steve Bannon fyrrverandi aðalráðgjafa sínum samstarfið í tvíti í morgun en Bannon lét af störfum í Hvíta húsinu í gær. Hann var mikilvægur bandamaður Trump í kosningabaráttunni gegn Hillary Clinton og fylgdi honum síðan inn í Hvíta húsið.
I want to thank Steve Bannon for his service. He came to the campaign during my run against Crooked Hillary Clinton - it was great! Thanks S
— Donald J. Trump (@realDonaldTrump) August 19, 2017
Bannon mun hverfa til fyrri starfa fyrir fréttamiðilinn Breitbart News en þar mun hann aftur taka við starfi stjórnarformanns. „Ef það er einhver óvissa þarna úti, þá skal ég skýra hana: Ég er að fara úr Hvíta húsinu og í stríð fyrir Trump gegn óvinum hans í Washington, í fjölmiðlum eða stórfyrirtækjunum,“ sagði Bannon stuttu eftir að hann hætti.
Bannon var af mörgum talinn einn helsti áhrifavaldur á þjóðernisstefnu forsetans, auk þess að hafa með því fylgi sem hann nýtur hjá hægriöfgasinnum átt sinn þátt í að Trump sigraði í forsetakosningunum.