Erlent | mbl | 25.8.2017 | 22:05

Hugleiðir að fjarlægja styttuna af Kólumbusi

Styttan af landkönnuðinum Kristófer Kólumbusi á Columbus Circle í New York er vinsæll viðkomustaður ferðamanna. Borgaryfirvöld hugleiða nú að fjarlægja hana. AFP

Bill de Blasio, borgarstjóri New York, segir að svo kunni að fara að hann láti fjarlægja styttuna af Kristófer Kólumbusi. Ástæðuna segir de Blasio vera þá miklu naflaskoðun sem nú eigi sér stað hjá Bandaríkjamönnum varðandi minnismerki frá tímum þrælastríðsins.

Styttan er miðpunktur Columbus Circle og var búin til árið 1892 til að minnast þess að 400 ár væru frá því að Kólumbus kom til Bandaríkjanna.

Embættismenn í nokkrum borgum Bandaríkjanna hafa lagt til að fjarlægja eigi styttur af Kólumbusi, vegna þeirra hrottalegu meðferðar sem frumbyggjar landsins sættu af landkönnuðinum og hans fólki.

Styttan á Columbus Circle er vinsæll viðkomustaður ferðamanna í New York og er nú eitt þeirra minnismerkja sem borgaryfirvöld velta fyrir sér að fjarlægja sem „táknmynd haturs“.

„Við verðum að skoða alls staðar,“ sagði de Blasio í kappræðum við frambjóðanda demókrata um borgarstjóraembættið á CBS sjónvarpsstöðinni.