Meirihluti Frakka óánægður með forsetann
Setja bókamerki
Vinsældir Emmanuels Macron, forseta Frakklands, hafa minnkað verulega undanfarið. Meirihluti franskra kjósenda er óánægður með störf forsetans en þetta kemur fram í skoðanakönnum sem gerð var fyrir blaðið Le Journal du Dimanche.
Samkvæmt könnuninni eru 40% franskra kjósenda nokkuð eða mjög ánægð með forsetann. 54% kjósenda lýstu yfir ánægju með forsetann í sambærilegri könnun fyrr í mánuðinum.
Macron mældist mun vinsælli skömmu eftir að hann vann sigur í frönsku forsetakosningunum í vor. Í byrjun maí sögðust 62% kjósenda ánægð með hann.
57% kjósenda segjast óánægð með forsetann og þar af eru 20% mjög óánægð. Umdeildar breytingar á vinnulöggjöf og niðurskurður á útgjöldum og þjónustu hins opinbera er sagt skýra dvínandi vinsældir Macron.
Einnig er vaxandi óánægja með störf forsætisráðherra Frakklands, Edouard Philippe. 47% eru ánægðir með hann en voru 56% í síðasta mánuði.
Fæðuöryggi: „Áttum mat í þrjár vikur“
Ekki hægt að slá gosið út af borðinu strax
Vonir bundnar við morgundaginn
Átta flokkar næðu inn
Dæla, kæla og verja mikilvæg mannvirki
Heimildarmenn tala um hápólitískt drama