Öryggisráð Sameinuðu þjóðanna mun halda neyðarfund á mánudaginn til að ræða alþjóðlegt viðbragð við kjarnorkutilraunum Norður-Kóreu í nótt.Bandaríkin, Bretland, Japan, Frakkland og Suður-Kóreu fóru fram á að fundurinn yrði haldinn.

Fundurinn verður haldinn fyrir opnum tjöldum, en flestir fundur öryggisráðsins sem tengjast Norður-Kóreu hafa hingað til verið lokaðir.

Sprengingin sem var framkvæmd neðanjarðar er sú sjötta sem Norður-Kórea framkvæmir sem er í andstöðu við samþykkt öryggisráðsins sem bannar Norður-Kóreu að þróa kjarnorkuvopn og eldflaugaáætlun sína.

Þjóðarleiðtogar víða um heim hafa í dag fordæmt sprenginguna og hafa leiðtogar Bandaríkjanna og stórvelda í Evrópu kallað eftir hertari efnahagsþvingunum gegn ríkinu. Donald Trump Bandaríkjaforseti hefur jafnframt sagt að Bandaríkin skoði nú möguleikann á því að stöðva öll viðskipti við þau lönd sem stundi viðskipti við Norður-Kóreu.

Slíkt skref myndi hafa gríðarleg áhrif á stóran hluta viðskipta Bandaríkjanna, en helsti viðskiptaaðili Norður-Kóreu er Kína sem á í gríðarlega miklum viðskiptum við Bandaríkin.

Tengdar fréttir

Norður-Kórea

Segja Norður-Kóreumenn hafa haft lítil áhrif

• Norðurkóreskir hermenn drepnir í stríði Rússa
• Norðurkóreskir hermenn felldir í Evrópu
• Eldflaugavarnarkerfi í skiptum fyrir hermenn
• Rússar sagðir útvega N-Kóreu milljón olíutunnur

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Var Sigurjón digri frá Kóreyju máske ferðamaður á Íslandi í …