Donald Trump Bandaríkjaforseti hefur kallað þjóðaröryggishóp sinn til fundar í kjölfar kjarnorkusprengjutilraunar stjórnvalda í Norður-Kóreu sem gerð var í nótt að íslenskum tíma.

„Þjóðaröryggishópurinn fylgist grannt með þessu,“ sagði fjölmiðlafulltrúi Hvíta hússins, Srah Huckabee Sanders, á blaðamannafundi nú fyrir skömmu.

„Forsetinn og þjóðaröryggishópur hans munu funda síðar í dag. Við munum halda áfram að gefa upplýsingar eftir þörfum.“

Fjármálaráðuneyti Bandaríkjanna hefur þá hafið undirbúning frekari efnahagsþvingana gegn Asíuríkinu, „sem myndu einangra Norður-Kóreu efnahagslega“ að sögn fjármálaráðherrans Steven Mnuchin.

„Við munum vinna með bandamönnum okkar. Við munum vinna með Kína. En fólk þarf að einangra Norður Kóreu efnahagslega, þetta er óásættanleg hegðun.“

Tengdar fréttir

Norður-Kórea

Eldflaugavarnarkerfi í skiptum fyrir hermenn

• Rússar sagðir útvega N-Kóreu milljón olíutunnur
• Gagnrýnir Vesturlönd harðlega vegna Úkraínu
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump

» Fleiri tengdar fréttir

• Blogga um frétt