„Bandaríkin vilja aldrei fara í stríð“
Setja bókamerki
Nikki Haley, fastafulltrúi Bandaríkjanna hjá Sameinuðu þjóðunum hvetur öryggisráð SÞ að grípa til eins ítarlegra aðgerða og mögulegt er gegn eldflauga- og kjarnorkuvopnatilraunum Norður-Kóreu.
Neyðarfundur stendur nú yfir í öryggisráði Sameinuðu þjóðanna.
„Sá tími er kominn að nýta allar mögulegar diplómatískar leiðir áður en það verður um seinan,“ sagði Haley á fundi öryggisráðsins og BBC greinir frá. Þá varaði hún einnig við að Bandaríkin muni fylgjast grannt með öllum ríkjum sem munu eiga í áframhaldandi viðskiptasambandi við Norður-Kóreu. 90% viðskipta Norður-Kóreumanna eru við Kína.
Haley segir að með aðgerðum sínum hafi Kim Jong-un, leiðtogi Norður-Kóreu, verið að „biðja um stríð.“ „Bandaríkin vilja aldrei fara í stríð. Við viljum ekki stríð en þolinmæði ríkis okkar er ekki ótakmörkuð,“ sagði Haley.
Nýjustu fregnir herma að stjórnvöld í Norður-Kóreu undirbúi frekari tilraunir með eldflauga- og kjarnorkuvopn.
Hópur fólks reyndi að komast að eldgosinu
Ekki vandamál að vera karlmaður
Pútín reynir allt til að forðast aðra herkvaðningu
Dómur þyngdur um þrjú ár
/frimg/1/53/8/1530849.jpg)
Fatlaður drengur fær ekki þjónustu í verkfalli
Hentugt gos fyrst gýs á annað borð
