Vilja frysta eignir Kims Jong-un
Setja bókamerki
Bandaríkin hafa beðið öryggisráð Sameinuðu þjóðanna um að banna Norður-Kóreu að versla með olíu og einnig vilja þau að eignir leiðtogans Kims Jong-un verði frystar.
Ástæðan er sjötta og stærsta tilraun Norður-Kóreu með kjarnavopn síðastliðinn sunnudag.
Bandaríkin hafa einnig óskað eftir því að útflutningur á vefnaðarvörum frá Norður-Kóreu verði bannaður og að stöðvaðar verði greiðslur til norðurkóreskra verkamanna sem starfa í öðrum löndum.
Vladimir Pútín, forseti Rússlands, er mótfallin því að Norður-Kóreu verði bannað að versla með olíu. Þetta kom fram á fundi hans með Moon Jae-in, forseta Suður-Kóreu, að því er New York Times greindi frá.
Norður-Kórea hefur flutt inn mest af olíu sinni frá Kína en hefur verið að auka olíuinnflutning frá Rússlandi.
Börnin eiga að ýta við foreldrum sínum
Falskur fyrirvari á auglýsingum Höllu
Sendi nektarmyndir af dreng sem hann passaði
Íslensk kona handtekin á Tenerife eftir líkamsárás
Koma fyrstu tölur á sunnudagskvöldið?
Rannsókn á menningarnæturmáli lokið
Formaðurinn útilokar ekki undirritun í kvöld