Öryggisráð Sameinuðu þjóðanna hefur samþykkt hertar viðskiptaþvinganir gegn Norður-Kóreu, vegna flugskeytatilrauna þeirra. Ráðið samþykkti einróma að koma á hörðustu refsiaðgerðum sem gripið hefur verið til, eftir að Bandaríkin drógu aðeins úr kröfum sínum til að vinna Rússa og Kína á sitt band. Washington Post greinir frá.

Viðskiptaþvinganirnar fela meðal annars í sér takmarkanir á innflutningi Norður-Kóreu á olíu og algjört bann við útflutningi á vefnaðarvörum, í þeim tilgangi að svipta ríkið helstu tekjulindum og nauðsynlegu fjármagni til að halda áfram kjarnorku- og eldflaugaáætlun sinni. Tilgangurinn er einnig að reyna að auka samningsvilja stjórnvalda í Norður-Kóreu.

Þær refsiaðgerðir sem samþykktar hafa verið nú bætast við fyrri refsiaðgerðir sem hafa takmarkað útflutning Norður-Kóreu á kolum, járni og sjávarfangi. Viðskiptaþvinganir ná nú til 90 prósenta af útflutningsvörum ríkisins.

Tengdar fréttir

Norður-Kórea

Gagnrýnir Vesturlönd harðlega vegna Úkraínu

• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Standa með Rússum þar til sigur vinnst
• „Ögrun sem ógnar alþjóðaöryggi“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Gott að samstaða náðist.