Jim Matt­is, varn­ar­málaráðherra Banda­ríkj­anna, seg­ir það sýna hræðilegt ábyrgðarleysi af hálfu stjórn­valda í Norður-Kór­eu ef þau láta verða af hót­un­um sín­um og gera til­raun með vetn­is­sprengju yfir Kyrra­haf­inu. AFP-frétta­stof­an grein­ir frá.

Matt­is læt­ur þessi orð falla í kjöl­far mik­ils orðaskaks á milli leiðtoga Norður-Kór­eu og for­seta Banda­ríkj­anna í tengsl­um við kjarn­orku­áætlun þeirra fyrr­nefndu.

Ri Yong-Ho, ut­an­rík­is­ráðherra Norður-Kór­eu, lét þau orð falla á alls­herj­arþingi Sam­einuðu þjóðanna að það ríki hans gæti gert til­raun með vetn­is­sprengju yfir Kyrra­haf­inu.

Matt­is brást við þessu í flugi á leið til Ind­lands þar sem hann hyggst meðal ann­ars ræða ör­ygg­is­mál og kjarn­orku­áætlun Norður-Kór­eu við leiðtoga lands­ins í þriggja daga heim­sókn. „Það væri hræðilegt ábyrgðarleysi gagn­vart heilsu alþjóðasam­fé­lags­ins og stöðug­leika,“ sagði hann við fjöl­miðlamenn.

Matt­is vildi aðspurður hins veg­ar ekki svara því hvort litið yrði á slíka til­raun sem stríðsyf­ir­lýs­ingu.

Frétt af mbl.is

Orr­ustuþotum flogið að Norður-Kór­eu

Á laug­ar­dag var banda­rískri sprengjuflug­vél í fylgd orr­ustuþotna hers­ins flogið nærri aust­ur­strönd Norður-Kór­eu. Sam­kvæmt upp­lýs­ing­um frá Pentagon, varn­ar­málaráðuneyti Banda­ríkj­anna, var til­gang­ur­inn að sýna fram á hernaðarlega yf­ir­burði Banda­ríkja­hers um­fram vopna­búnað yf­ir­valda í Pyongyang, höfðuborg­ar Norður-Kór­eu.

Frétt af mbl.is

Banda­rík­in til­bú­in að „gereyða“ N-Kór­eu

Dag­ana áður hafði Don­ald Trump, for­seti Banda­ríkj­anna, meðal ann­ars kallað Kim Jong-Un, leiðtoga Norður-Kór­eu, brjálæðing og eld­flauga­mann. Þá hótaði for­set­inn því að gjör­eyða Norður-Kór­eu í ræðu sinni á alls­herj­arþingi Sam­einuðu þjóðanna. Kim sagði Trump hins veg­ar and­lega brenglaðan og sagði hann koma til með að gjalda það dýru verði að hóta Norður-Kór­eu. Í millitíðinni hafði Ri Yong-ho, ut­an­rík­is­ráðherra Norður-Kór­eu, líkt banda­ríska for­set­an­um við gjamm­andi hund.

Frétt af mbl.is

Kim: Trump verður dýrt að hóta N-Kór­eu

Tengd­ar frétt­ir

Norður-Kórea

Úkraínu­menn hand­tóku norðurkór­esk­an her­mann

• Segja Norður-Kór­eu­menn hafa haft lít­il áhrif
• Norðurkór­esk­ir her­menn drepn­ir í stríði Rússa
• Norðurkór­esk­ir her­menn felld­ir í Evr­ópu
• Eld­flauga­varn­ar­kerfi í skipt­um fyr­ir her­menn

» Fleiri tengd­ar frétt­ir

• Blogga um frétt