Fyrstu ákærur í Rússarannsókn
Setja bókamerki
Fyrstu ákærurnar í rannsókn Roberts Mueller á afskiptum rússneskra embættismanna af forsetakosningunum í Bandaríkjunum í fyrra voru samþykktar af alríkisdómara í Washington DC í gær. CNN greinir frá þessu samkvæmt heimildum.
Ekki hefur verið upplýst hvað ákærurnar fela í sér eða hverjir eru ákærðir. Alríkisdómari fyrirskipaði að leynd myndi hvíla yfir ákærunum, segir í frétt CNN. Þar kom fram að þeir ákærðu eigi yfir höfði sér að vera handteknir fljótlega, jafnvel á mánudag.
Hvorki starfsmenn skrifstofu Mueller eða dómsmálaráðuneytisins vildu tjá sig um málið þegar AFP-fréttastofan leitaði eftir viðbrögðum við frétt CNN.
Mueller, sem er fyrrverandi yfirmaður bandarísku alríkislögreglunnar (FBI) var fenginn til þess í maí að stýra rannsókn á meintum afskiptum Rússa en nokkrar rannsóknir voru þá þegar í gangi vegna málsins. Skömmu áður hafði Donald Trump Bandaríkjaforseti rekið James Comey úr starfi forstjóra FBI.
Mueller stýrði FBI frá 2001 til 2013 í forsetatíð repúblikanans George W. Bush og demókratans Baracks Obama.
Þarf að koma til móts við ólíkar þarfir lækna
Reiðubúin að aflýsa verkföllum í fjórum leikskólum
Fullvissa ferðamenn um að hér sé öruggt
Hópur fólks reyndi að komast að eldgosinu
Drónamyndskeið frá hápunkti gossins í nótt
/frimg/1/53/8/1530849.jpg)
Fatlaður drengur fær ekki þjónustu í verkfalli
Sólveig Anna furðar sig á aðferðum kennara