Hertóku ríkisútvarp Simbave
Setja bókamerki
Herinn í Simbabve hefur hertekið ríkisútvarp landsins, ZBC, en herforingjar segja að ekki sé um valdarán að ræða heldur beinist aðgerðirnar að glæpamönnum. Þetta kemur fram í frétt BBC.
Segja þeir að forseti landsins, Robert Mugabe, sé heill á húfi. Vopnagnýr heyrðist í úthverfum höfuðborgarinnar, Harare, í morgunsárið.
Erindreki Simbabve í Suður-Afríku, Isaac Moyo, segir að ekki sé um valdarán að ræða og að ekkert amaði að ríkisstjórn landsins. Yfirlýsing hans var lesin upp eftir að hermenn hertóku höfuðstöðvar ZBC.
Árásin beinist aðeins gegn glæpamönnum í kringum Mugabe, mönnum sem séu að fremja glæpi. Þeir beri ábyrgð á þjáningum þjóðarinnar, bæði félagslega og efnahagslega. Um leið og verkefninu lýkur sé stefnt að því að ástandið verði aftur með eðlilegum hætti.
Ekki kemur fram gegn hverjum aðgerðirnar beinast en samkvæmt Reuters hefur meðal annars fjármálaráðherra landsins, Ignatius Chombo, verið handtekinn. Eins er ekki vitað hver stýrir aðgerðum hersins.
Sér á eftir mjög fallegu landi og berjamó
Nötra yfir bók íslensks þingmanns
Flýta nýja námsmatinu og gera skyldubundið
Heitavatnslaust á stóru svæði: Þetta þarftu að vita
Flugfélagið Ernir svipt flugrekstrarleyfi
Sams konar uppgjör fyrir alla borgarstarfsmenn
Keypti líklega 300-400 skammbyssur af Sakka
Orlofsfé Dags einsdæmi