Viðræður fyrirhugaðar á Kóreuskaga
Setja bókamerki
Suður-Kóreumenn hafa lagt til að viðræður verði haldnar á milli embættismanna þeirra og nágranna þeirra í Norður-Kóreu á landamærum ríkjanna í næstu viku.
Kim Jong-un, leiðtogi Norður-Kóreu, lagði til í nýársávarpi sínu að ríkin myndu reyna að slaka á spennunni sín á milli og eiga samtal, meðal annars um þátttöku Norður-Kóreu á Vetrarólympíuleikunum, sem fara fram í Pyeongchang í Suður-Kóreu í febrúar.
Nú hafa Suður-Kóreumenn svarað þeirri bón á jákvæðan hátt.
Cho Myoung-gyon sameiningarráðherra Suður-Kóreu og helsti tengiliður þeirra við nágrannana í norðri, lagði til að fundur yrði haldinn í Panmunjom, þorpi sem liggur við landamæri ríkjanna, strax í næstu viku.
Fundurinn yrði sóttur af háttsettum embættismönnum frá báðum ríkjum.
„Við vonum að við getum sest niður og átt hreinskiptar umræður,“ sagði Cho á blaðamannafundi fyrr í dag.
Ef Norður-Kórea tekur vel í þessar umleitanir frá suðri verða þetta fyrstu opinberu viðræðurnar á milli ríkjanna tveggja í tvö ár.
Suður-Kóresk stjórnvöld vonast til þess að viðræður geti leitt til aukinnar þýðu í samskiptum ríkjanna á Kóreuskaga, eftir mikla spennu og stríðsógn síðustu árin vegna kjarnorkuáætlunar Norður-Kóreu.
Þarf að koma til móts við ólíkar þarfir lækna
Dómur þyngdur um þrjú ár
Hópur fólks reyndi að komast að eldgosinu
Ása Ellerup flutt út og ætlar að selja húsið
Vegirnir voru eins og borðstofuborð
Hraun kemur úr þremur gígum: Virknin stöðug
Ekki vandamál að vera karlmaður