Ummæli forsetans til skammar
Setja bókamerki
Talsmaður mannréttindaskrifstofu Sameinuðu þjóðanna hefur fordæmt ummæli Donald Trump Bandaríkjaforseta en forsetinn spurði „hvers vegna allt þetta fólk frá þessum skítalöndum“ kæmi til Bandaríkjanna.
Skítalöndin (shithole countries) sem um ræðir eru Haítí, El Salvador og ríki Afríku.
Hvíta húsið hefur ekki reynt að leiðrétta ummæli forsetans.
„Ákveðnir bandarískir stjórnmálamenn berjast fyrir erlend ríki. Trump forseti mun hins vegar alltaf berjast fyrir bandarísku þjóðina,“ sagði Raj Shah, talsmaður Hvíta hússins.
„Ef hann lét hafa þetta eftir sér þá eru þetta sláandi og skammarleg ummæli frá forseta Bandaríkjanna. Það er ekki hægt að segja neitt annað en að ummælin eru rasísk,“ sagði Rupert Colville, talsmaður mannréttindaskrifstofu SÞ.
Hann bætti því við að nýjustu ummæli Trumps og önnur frá honum um fólk frá Mexíkó eða ofbeldið í Charlottesville færu gegn gildum sem kappkostað hefði verið að halda á lofti í heiminum síðan við lok seinni heimsstyrjaldarinnar.
Colville bætti því við að orð Trumps „opnuðu dyrnar að verstu hliðum mannkyns“.
Mia Love, eini þingmaðurinn á bandaríska þinginu sem á foreldra frá Haítí, hefur krafist þess að Trump biðjist afsökunar á „harðbrjósta ummælum sem valda sundrungu“.
Ummælin lét Trump falla á fundi með þingmönnum í forsetaskrifstofu sinni í Hvíta húsinu í gær.
Drónamyndskeið frá hápunkti gossins í nótt
Viðræður ekkert þokast frá því á þriðjudag
Líklega komin á seinni hluta hrinunnar í Svartsengi
Yfir 300 stæði fóru undir hraun
Reiðubúin að aflýsa verkföllum í fjórum leikskólum
/frimg/1/53/8/1530849.jpg)
Fatlaður drengur fær ekki þjónustu í verkfalli