Norður-Kórea tilbúin að ræða afvopnun
Setja bókamerki
Ráðamenn í Norður-Kóreu eru tilbúnir að ræða um að losa sig við kjarnavopn sín, svo framarlega sem hægt sé að tryggja öryggi ríkisins. Þetta hefur BBC eftir sendifulltrúum Suður-Kóreu, sem sl. tvo daga hafa verið í heimsókn í Norður-Kóreu til að funda með ráðamönnum þar í landi.
Yfirvöld í Suður-Kóreu segja málið hafa komið upp á fundi sendinefndarinnar með Kim Jong-un, leiðtoga Norður-Kóreu, en nefndin fundaði með Kim í Pyongyang á mánudag.
Þá er norðurkóreski leiðtoginn einnig sagður vera opinn fyrir viðræðum við Bandaríkin og að frekari flugskeytatilraunum verði frestað að svo stöddu.
BBC segir að í fyrri skipti þegar Norður-Kórea hafi átt að draga úr kjarnorkuumsvifum sínum hafi ráðamenn í Norður-Kóreu ekki staðið við þau loforð.
Kim og Moon hittist á leiðtogafundi
Leiðtogar Norður- og Suður-Kóreu hafa einnig samþykkt að hittast á leiðtogafundi í næsta mánuði að sögn sendinefndarinnar. Verði af fundinum verður það í fyrsta skipti í rúman áratug sem leiðtogar Kóreuskagans hittast og í fyrsta skipti frá því að Kim Jong-un tók við völdum.
Fundur þeirra Kim og Moon Jae-in, forseta Suður-Kóreu, mun eiga sér stað í þorpinu Panmunjom á vígbúnum landamærum ríkjanna. Þá samþykktu ríkin tvö einnig að koma á beinu símasambandi milli leiðtoganna tveggja.
Þíðu varð vart í samskiptum ríkjanna fyrir Vetrarólympíuleikana sem haldnir voru í Suður-Kóreu í febrúar og ákváðu þau m.a. að senda sameiginlegt lið til keppni á leikunum og að hefja viðræður sín á milli.
Bandaríkin hafa áður sagt að þau séu aðeins tilbúin að hefja viðræður við Norður-Kóreu ef ráðamenn ríkisins lýsi sig reiðubúna að láta af kjarnavopnaáætlun sinni.
Eftir að fréttirnar af ferð sendinefndarinnar voru gerðar opinberar tjáði Donald Trump Bandaríkjaforseti sig um málið á Twitter.
„Heimurinn fylgist spenntur með,“ tísti Trump. „Þetta kunna að vera falskar vonir, en Bandaríkin eru tilbúin að koma inn af afli, í hvora áttina sem er!“
Hótar Bretum og Bandaríkjamönnum
/frimg/1/53/8/1530849.jpg)
Fatlaður drengur fær ekki þjónustu í verkfalli
Hópur fólks reyndi að komast að eldgosinu
Hraun kemur úr þremur gígum: Virknin stöðug
Yfir 300 stæði fóru undir hraun
Nýtt fangelsi í landi Stóra-Hrauns tilbúið 2028
Fullvissa ferðamenn um að hér sé öruggt
Hentugt gos fyrst gýs á annað borð