Vísa breskum erindrekum úr landi
Setja bókamerki
Rússneska utanríkisráðuneytið tilkynnti í morgun að það muni vísa 23 breskum stjórnarerindrekum úr landi á næstu viku. Rússar höfðu áður sagt að þeir ætluðu að svara Bretum í sömu mynt en Bretar greindu frá því á miðvikudag að þeir ætla að vísa 23 rússneskum erindrekum úr landi.
Mikil spenna hefur verið milli landanna eftir að eitrað var fyrir gagnnjósnaranum Sergei Skripal og dóttur hans Yuliu í byrjun mánaðarins.
Bretar og fleiri Vesturveldi telja fullvíst að Rússar standi á bak við árásina en Rússar segja þær ásakanir fáránlegar.
Sergei Lavrov, utanríkisráðherra Rússlands, sagði á fimmtudag að það kæmi ekki annað til greina en að svara Bretum í sömu mynt. Hann sagði ásakanir Theresu May, forsætisráðherra Bretlands, þess efnis að Rússar bæru ábyrgð á tilræðinu á Skripal-feðginum „brjálæðislegar“.
„Sá vegur er bæði háll og myrkur“
Reiðubúin að aflýsa verkföllum í fjórum leikskólum
„Við höldum áfram þangað til við erum búin“
Þarf að koma til móts við ólíkar þarfir lækna
50 milljónir eiga að minnka svindl um 1 milljarð
„Höfum sloppið bærilega með skaða af þessu gosi“
Flestir sem hvergi finnast koma frá Sómalíu
Pútín reynir allt til að forðast aðra herkvaðningu