Pútín fagnaði í Moskvu
Setja bókamerki
Vladimír Pútín mun leiða rússnesku þjóðina í sex ár í viðbót en hann hefur fengið 75% greiddra atkvæða þegar meira en helmingur atkvæða hefur verið talinn í rússnesku forsetakosningunum.
Pútín hefur ýmist verið forseti eða forsætisráðherra landsins frá árinu 2000. Helsti keppinautur hans í kosningunum, Alexei Navalny, fékk ekki að bjóða sig fram vegna fimm ára skilorðsbundins fangelsisdóms sem hann hlaut vegna fjármálamisferlis.
Pútín ávarpaði stuðningsmenn sína í Moskvu í kvöld þar sem hann sagði að fólk hefði tekið eftir því hversu vel hefði gengið undanfarin ár. Forsetinn skellihló þegar hann var spurður hvort hann myndi bjóða sig aftur fram eftir sex ár:
„Þetta er svolítið fyndin spurning. Heldurðu að ég verði hérna þangað til ég er 100 ára? Nei!“ sagði Pútín.
Pútín hlaut 64% atkvæða í forsetakosningunum árið 2012 og sigur hans því talsvert stærri í ár.
Helsti keppinautur hans sem fékk að bjóða sig fram, Pavel Grudini, frambjóðandi Kommúnistaflokksins, er með 13,2% kosningu samkvæmt nýjustu tölum.
Fundurinn hófst með söng: „Við stöndum þétt saman“
Gosmengun berst til norðurs og norðvesturs
Kristrún komin með umboð
Á þriðja hundrað strikuðu yfir eða færðu Þórð
Halla og Kristrún funda á Bessastöðum í dag
Kristrún, Þorgerður og Inga funda kl. 15
Var ráfandi við Alþingi eins og innbrotsþjófur
