Trump íhugar að neita að skrifa undir
Setja bókamerki
Donald Trump, forseti Bandaríkjanna, segir að hann sé að íhuga að neita að skrifa undir ný fjárlög, sem hljóða upp á 1,3 billjónir dala, og er ætlað í rekstur bandaríska stjórnkerfisins fram til september. Bandaríkjaþing samþykkti frumvarpið í dag eftir að fulltrúadeild þingsins lýsti yfir stuðningi til að koma í veg fyrir að allt stjórnkerfið færi í frost.
Trump segir að það skorti á aðgerðir í málefnum innflytjenda, m.a. að það skorti vernd fyrir unga innflytjendur sem koma til landsins ásamt foreldrum sínum með ólögmætum hætti. Þetta kemur fram á vef BBC.
Stjórnkerfið hefur lamast í tvígang á þessu ári vegna deilna.
Trump þarf að skrifa undir lögin fyrir miðnætti að bandarískum tíma, þ.e. í Washington, til að tryggja það að ríkið fái fjármagn til að reka sig.
Trump tjáði sig hins vegar um frumvarpið og lýsti yfir áhyggjum sínum með færslu á Twitter í morgun.
Staðfesti Trump frumvarpið með undirskrift sinni, mun ríkið hafa rekstrarfé til 30. september.
Bandarískir þingmenn hafa staðið í ströngu og deilt um frumvarpið vikum saman, en menn hafa átt erfitt með að ná saman um mörg lykilmál.
Í frumvarpinu er ekki fjallað um örlög ungra innflytjenda sem koma til landsíns ásamt foreldrum sínum með ólögmætum hætti. Þessi hópur naut verndar samkvæmt Daca-áætluninni sem Trump stöðvaði í haust.
Trump er einnig ósáttur við að í frumvarpinu sé ekki sett nægjanlega mikið fjármagn til að reisa vegg við landamæri Bandaríkjanna að Mexíkó.
Á algjöru frumstigi eftir þrjár vikur af verkfalli
Hvað gerðist eiginlega í VMA?
Spara stórfé með olíukaupum ytra
Óttast að fólk fari aftur að eyða peningum
Gosið gæti varað lengur: Meiri fyrirstaða í gosrásinni
Tekist á um áður óþekkta skýrslu landlæknis
Mjög alvarlegt ef Njarðvíkuræð gefur sig
Heitt vatn fannst sem gæti annað 10 þúsund manns