Lögreglumaðurinn berst fyrir lífi sínu
Setja bókamerki
Franskur lögreglumaður sem varð fyrir byssuskoti þegar hann bauð sjálfan sig í skiptum fyrir gísl í umsátrinu í frönskum stórmarkaði berst nú fyrir lífi sínu.
Í frétt BBC segir að maðurinn heiti Arnaud Beltrame. Hann átti þátt í að stöðva skothríðina í suðvesturhluta Frakklands sem varð þremur að bana. Í það minnsta 16 til viðbótar særðust í árásinni.
Franska lögreglan skaut byssumanninn til bana. Byssumaðurinn hét Redouane Lakdim og var 25 ára gamall. Sagðist hann fremja voðaverkin í nafni hryðjuverkasamtakanna Ríkis íslam.
Atburðarrásin hófst á því að Lakdim rændi bifreið, myrti einn farþega og særði ökumanninn. Þá skaut hann og særði lögreglumann sem var að skokka með vinnufélögum sínum.
Þá er talið að hann hafi ekið nokkra kílómetra í átt að litum bæ að nafni Trébes. Þar ruddist hann inn í stórmarkaðinn og öskraði: „Ég er hermaður Daesh (Ríkis íslam).“ Hann myrti viðskiptavin og starfsmann, áður en hann tók fólkið í gíslingu.
Lakdim er sagður hafa krafist lausnar Salah Abdeslam, sem er í haldi lögreglu, en hann er mikilvægasti sakborningurinn í hryðjuverkaárásunum árið 2015 í París þar sem 130 manns voru drepnir.
„Höfum sloppið bærilega með skaða af þessu gosi“
Í kappi við tímann að reyna að afstýra verkfalli
Flestir sem hvergi finnast koma frá Sómalíu
Gasmengun gæti borist yfir höfuðborgarsvæðið
Ekki vandamál að vera karlmaður
Dregið úr gosóróa
Ása Ellerup flutt út og ætlar að selja húsið
Ökumaður í símanum valdur að umferðarslysi