Trump ræðir við Macron og May í kvöld
Setja bókamerki
Donald Trump Bandaríkjaforseti á enn eftir að taka „lokaákvörðun“ um viðbrögð Bandaríkjanna við meintri efnavopnaárás í sýrlensku borginni Douma um síðustu helgi. Trump fundaði fyrr í dag með helstu þjóðaröryggisráðgjöfum Bandaríkjanna.
Sarah Sanders, upplýsingafulltrúi Hvíta hússins, segir að forsetinn muni síðar í kvöld ræða við Emmanuel Macron Frakklandsforseta og Theresu May, forsætisráðherra Bretlands. Þar verða næstu skref rædd.
„Forsetinn hefur nýlokið fundi með Þjóðaröryggisráðinu þar sem ástandið í Sýrlandi var rætt. Engin lokaákvörðun hefur verið tekin,“ sagði Sanders.
„Forsetinn mun ræða við Macron og May í kvöld,“ bætti Sanders við.
May hélt neyðarfund í ríkisráði Bretlands í dag en talið er að Bretar muni taka þátt í aðgerðum gegn stjórn Bashars Al-Assads, forseta Sýrlands.
Macron hefur sagt að sönnunargögn liggi fyrir sem sýni að efnavopnum hafi verið beitt í Sýrlandi og að sýrlensk yfirvöld, undir stjórn Bashar al-Assad, hafi beitt þeim.
Hellisheiði og Þrengsli ekki opnuð í dag
KEF Spa: „Eitthvað sem þú hefur ekki séð áður“
Æskuvinir sem fóru í víninnflutning frá Georgíu
Spá 13-18 stiga frosti í borginni
Éljagangur en síðan slydda eða rigning
38 létust í flugslysi
Segir umsókn að ESB vera óvirka
Taka upp grímuskyldu á Landspítalanum