Sýrlenski herinn hefur náð fullum yfirráðum yfir höfuðborg landsins, Damaskus, og úthverfum að því er segir í tilkynningu. Allir liðsmenn vígasamtakanna Ríki íslams hafa verið hraktir á brott, samkvæmt tilkynningunni sem lesin var upp í ríkisfjölmiðlum.

Að sögn stjórnvalda hefur herinn náð flóttamannabúðunum Yarmuk á sitt vald sem og Hajar al-Aswad hverfinu. Stríðið í Sýrlandi hefur geisað í rúm sjö ár. 

Tilkynning hersins var send út skömmu eftir að hundruð vígamanna og ættmenna þeirra fengu að yfirgefa Yarmuk að sögn mannúðarsamtakanna Syrian Observatory for Human Rights.

Ríkisstjórnin neitar því hins vegar að hafa gert samkomulag við Ríki íslams um að liðsmenn samtakanna og ættingjar þeirra. Aðeins hafi verið um stutt vopnahlé að ræða til þess að hleypa bílalest með konum og börnum af svæðinu.