Beðin um að yfirgefa veitingastaðinn
Setja bókamerki
Sarah Huckabee Sanders, fjölmiðlafulltrúi Hvíta hússins, var beðin um að yfirgefa veitingastað í Virginíuríki í gærkvöldi sökum starfa hennar fyrir ríkisstjórn Donalds Trump Bandaríkjaforseta. Sanders greinir frá þessu í tísti en eigandi veitingastaðarins mun hafa lagt það til við hana að víkja á brott.
Sanders segir gjörðir eigandans „segja mun meira um hana en um mig“.
Um er að ræða þriðja sinnið á undanfarinni viku þar sem almennir borgarar reyna að láta í ljós óánægju sína í verki gagnvart embættismönnum eða starfsmönnum ríkisstjórnar Trumps.
Mótmælendur púuðu á og æptu að Kirstjen Nielsen, heimavarnarráðherra Bandaríkjanna, þar sem hún snæddi á mexíkóskum veitingastað nærri Hvíta húsinu í Washingtonborg fyrr í vikunni. Hið sama var uppi á teningnum þegar ráðgjafi forsetans, Stephen Miller, hugðist gæða sér á mexíkóskum mat um svipað leyti.
Hótar Bretum og Bandaríkjamönnum
Sjötti ferðamaðurinn er látinn
Fullvissa ferðamenn um að hér sé öruggt
Hluti bílastæðis undir hraun: Ómögulegt að meta tjón
Litlar líkur á að hraunið nái til mannvirkja
Dómur þyngdur um þrjú ár
Rússar sagðir útvega N-Kóreu milljón olíutunnur