Sammála um að sökin sé Bandaríkjanna
Setja bókamerki
Rússneska utanríkisráðuneytið hefur tekið undir Twitter-færslu Donald Trump Bandaríkjaforseta um að samband Rússlands og Bandaríkjanna hafi aldrei verið verra vegna „margra ára fíflaskapar og heimsku“ Bandaríkjanna.
Trump setti færsluna inn í morgun, fáeinum klukkustundum áður en hann gekk til fundar við Vladimir Pútín Rússlandsforseta. Rússneska ráðuneytið tók svo undir færsluna, einnig á Twitter.
Þá segir Trump að rannsókn Roberts Mueller á afskiptum Rússa af forsetakosningunum 2016 eigi stóran þátt í því að sambandið hafi ekki verið upp á marga fiska á síðustu misserum.
Fyrir fáeinum dögum sagði Trump að „hrein heimska“ og „pólitísk vandamál“ í Bandaríkjunum hafi gert það „mjög erfitt að gera eitthvað með Rússland“.
„Hvað sem þú gerir, það mun alltaf einhver segja Ó Rússland, hann elskar Rússland,“ sagði Trump á blaðamannafundi á föstudaginn eftir fund sinn með Theresu May, forsætisráðherra Bretlands.
Þá hefur Trump einnig kennt forvera sínum Barack Obama um köld samskipti Bandaríkjanna og Rússa og sagt að rannsóknin á tölvuárásum Rússa í aðdraganda kosninganna 2016 vera „nornaveiðar“.
/frimg/1/53/8/1530849.jpg)
Fatlaður drengur fær ekki þjónustu í verkfalli
Virknin dregist saman um 600 metra
Maskína: Framsókn í fallbaráttu
Sólveig Anna furðar sig á aðferðum kennara
/frimg/1/53/8/1530844.jpg)
Myndir: Náttúrulegur þröskuldur að taka við
Myndir: Grindavíkurvegur aftur undir hraun
Börn hafi engan rétt á leikskólakennslu