Ísraelar ætla að byggja hundruð nýrra heimila í landnemabyggðum á hinum hertekna Vesturbakka eftir að Palestínumaður stakk þrjá Ísraela með þeim afleiðingum að einn þeirra lést. Þetta segir varnarmálaráðherra Ísraels, Avigdor Lieberman.

„Besta svarið við hryðjuverkum er að stækka landnemabyggðirnar,“ skrifaði Lieberman á Twitter í morgun er hann tilkynnti að 400 ný hús yrðu reist í landnemabyggð sem kölluð er Adam og er norður af Jerúsalem.

Landnemabyggðirnar eru ólöglegar samkvæmt alþjóðalögum.

Palestínsku Hamas-samstökin sögðu Palestínumanninn sem stakk Ísraelana hafa unnið hetjudáð og að um hefnd hafi verið að ræða eftir að þrír Palestínumenn voru drepnir á Gaza á miðvikudag.

Tengdar fréttir

Ísrael/Palestína

281 hjálparstarfsmaður drepinn á árinu

• Segjast hafa drepið fimm vígamenn
• Sakar dómstólinn um gyðingahatur
• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon

» Fleiri tengdar fréttir

• 2 blogg um fréttina

Bloggað um fréttina

• Jónatan Karlsson: Sjálfum sér líkir.
• Ómar Ragnarsson: Rætt var í fullri alvöru að "gefa" þeim Uganda.