Segir að Trump sé rasisti

Fyrrverandi ráðgjafi í Hvíta húsinu og keppandi í raunveruleikaþáttunum Apprentice segir að Donald Trump Bandaríkjaforseti sé haldinn kynþáttafordómum og hafi notað „n-orðið“ svokallaða margoft.

Þetta kemur fram í sjálfsævisögu Omaroasa Manigault Newman.

Þar greinir hún frá því að áður en Trump tók við embætti forseti hafi hann notað „n-orðið“ „mörgum sinnum“ á meðan á gerð raunveruleikaþátta hans stóð. Bætir hún við að til sé myndband sem sanni það.

Fréttir hafa áður borist af því að heyrst hafi til Trump nota „n-orðið“ við gerð þáttanna, auk annarra móðgandi orða. Newman kveðst þó ekki hafa heyrt Trump nota orðið sjálf.

Bók hennar nefnist Unhinged og kemur hún út í næstu viku, að sögn The Guardian. 

Newman segist aftur á móti hafa orðið vitni að rasískum ummælum forsetans um George Conway, eiginmann Kellyanne Conway, ráðgjafa í Hvíta húsinu en George er hálfur Filippseyingur.

Gagnrýnendur Newman hafa haldið því fram að hún sé með bók sinni að leita hefnda eftir að hafa verið sagt upp störfu fyrirvaralaust í desember.

• 3 blogg um fréttina

Bloggað um fréttina

• Óðinn Þórisson: Donald Trump og það sem hann hefur gert fyrir Ísrael
• Ómar Ragnarsson: Orðanna hljóðan og aðstæður.
• Páll Vilhjálmsson: N-orðið