Yfir hundrað leiðarar gegn Trump
Setja bókamerki
Yfir 100 leiðarahöfundar munu sameina krafta sína á morgun þegar umfjöllunarefni leiðara í yfir 100 bandarískum dagblöðum verður gagnrýni á orðræðu Donalds Trump um fjölmiðla.
Ritstjórn fjölmiðilsins Boston Globe á frumkvæðið að framtakinu og óskar eftir að fjölmiðlar sýni samstöðu um að svara forsetanum sem hefur verið óhræddur við að láta skoðun sína á fjölmiðlum í ljós eftir að hann tók við embætti forseta Bandaríkjanna fyrir rúmum tveimur árum. Hugtök eins og falsfréttir (e. Fake news) voru lítt þekkt fyrir forsetatíð hans en eiga nú stóran stóran sess í orðaforða Trump gagnvart fjölmiðlum.
„Skrif okkar verða mismunandi, en við getum sammælst um það að árásir forsetans eru áhyggjuefni,“ segir meðal annars í ákalli Boston Globe. Samtök bandarískra fréttaritstjóra hafa sýnt framtakinu stuðning.
Zeid Raad al-Hussein, fráfarandi mannréttindastjóri Sameinuðu þjóðanna, er meðal þeirra sem hafa tjáð sig um orðræðu Trump gagnvart fjölmiðlum og segir hana ýta undir ofbeldi. Dæmi þessu tengt nefnir hann þegar Trump kallaði fjölmiðla „óvini fólksins“ á fjöldafundi fyrir skömmu. „Slík orðræða jaðrar við hvatningu til beitingar ofbeldis gegn þeim sem starfa við fjölmiðla,“ segir al-Hussein.
Með framtakinu vilja bandarískir fjölmiðla undirstrika mikilvægi fjölmiðlafrelsis og sjálfstæðis fjölmiðla. Fjölmiðlar eru ekki óvinir fólksins og verður myllumerkið #EnemyOfNone notað til að vekja athygli á því að fjölmiðlar eru svo sannarlega ekki óvinir fólksins.
Börn hafi engan rétt á leikskólakennslu
„Má segja að þetta gos hafi þjófstartað“
/frimg/1/53/8/1530844.jpg)
Myndir: Náttúrulegur þröskuldur að taka við
Nýtt fangelsi í landi Stóra-Hrauns tilbúið 2028
Rússar sagðir útvega N-Kóreu milljón olíutunnur
Hraunið við bílastæði Bláa lónsins
Líklega komin á seinni hluta hrinunnar í Svartsengi
Maskína: Framsókn í fallbaráttu