Pence ekki óþekkti embættismaðurinn
Setja bókamerki
Mike Pence, varaforseti Bandaríkjanna, hafnar alfarið vangaveltum um að hann sé höfundur greinar sem birtist í bandaríska dagblaðinu New York Times þar sem Donald Trump Bandaríkjaforseti er harðlega gagnrýndur og því haldið fram að embættismenn ríkisstjórnar hans vinni að því að grafa undan honum vegna ótta við það hversu „óútreiknanlegur“ og „siðlaus“ hann sé.
Miklar vangaveltur eru nú uppi um hver óþekkti embættismaðurinn sé og hefur Pence hafnað því að það sé hann, að því er BBC greinir frá.
Trump hefur lýst greinarhöfundinum sem „huglausum“ og New York Times sem „fölsku“.
„Varaforsetinn skrifar sínar greinar undir nafni,“ sagði Jarrod Agen, samskiptastjóri Pence, á Twitter. New York Times ætti að „skammast sín og sömuleiðis einstaklingurinn sem skrifaði ranga, órökrétta og huglausa grein“. Hvíta húsið sé yfir það hafið að grípa til slíkra viðvaningsgjörða.
Vangaveltur um að Pence sé höfundur greinarinnar byggjast einkum á notkun orðsins leiðarstjarna en varaforsetinn notar það orð gjarnan. Í greininni er vísað til öldungadeildarþingmannsins heitins Johns McCains sem leiðarstjörnu við að endurreisa virðingu hins opinbera og samtal við þjóðina.
Fullvissa ferðamenn um að hér sé öruggt
Litlar líkur á að hraunið nái til mannvirkja
Nýtt fangelsi í landi Stóra-Hrauns tilbúið 2028
Rússar sagðir útvega N-Kóreu milljón olíutunnur
/frimg/1/53/7/1530787.jpg)
Flogið á milli ljósaskipta
/frimg/1/53/8/1530849.jpg)
Fatlaður drengur fær ekki þjónustu í verkfalli
Hentugt gos fyrst gýs á annað borð