Öldungadeild Bandaríkjaþings hefur kosið og samþykkt Brett Kavanaugh sem næsta hæstaréttardómara landsins. Hlaut hann kjör með 50 atkvæðum gegn 48 og er kjörið það naumasta sem hæstaréttardómari hefur hlotið í 137 ár.

Mikið fjaðrafok hefur verið í kringum dómaraefni Bandaríkjaforseta, en þrjár konur hafa stigið fram og sakað hann um kynferðislega áreitni og ofbeldi.

Fjöldi fólks mótmælir á götum Washington og ber skilti þar sem Kavanaugh er m.a. kallaður „hæstaréttarlygari“. AFP

Kavanaugh hlaut kjör í öldungadeild þingsins á meðan hið minnsta þúsund mótmæltu á götum Washingtonborgar.

Nokkrum sinnum trufluðu reiðir mótmælendur á áhorfendapöllum þingsins atkvæðagreiðsluna, en kjör Kavanaugh er talið vera stærsti sigurinn í forsetatíð Donalds Trump.

Ekki hefur verið svo mjótt á munum í atkvæðagreiðslu um hæstaréttardómara síðan 1881, þegar dómaraefni James Garfield, Stanley Matthews, var kjörið með 24 atkvæðum gegn 23.

Fréttin hefur verið uppfærð.

Tengdar fréttir

Brett Kavanaugh tilnefndur í embætti hæstaréttardómara

Segir allar ásakanirnar uppspuna

• Kavanaugh skipaður dómari
• Collins styður Kavanaugh
• Þingið samþykkir að kjósa um Kavanaugh
• Hundruð handtekin við Hæstarétt

» Fleiri tengdar fréttir

• 2 blogg um fréttina

Bloggað um fréttina

• Íslenska þjóðfylkingin: Sigur í Bandaríkjaþingi, Brett Kavanaugh, staðfastur í vörn og sókn, …
• Gunnar Rögnvaldsson: Hæstiréttur Bandaríkjanna aftur á réttri leið