Stríð á milli Bandaríkjanna og Kína líklegt

Fyrrverandi yfirmaður bandaríska heraflans í Evrópu varaði við því í gær að miklar líkur væru á að til vopnaðra átaka kæmi á milli Bandaríkjanna og Kína á Kyrrahafi innan fárra ára.

Frétt af mbl.is

Segja Kína æfa árás á Bandaríkin

„Ég tel að innan 15 ára, það er ekki óhjákvæmilegt, en það eru mjög miklar líkur á því að við munum lenda í stríði við Kína,“ sagði Ben Hodges hershöfðingi, á fundi með sérfræðingum á sviði varnarmála á ráðstefnunni Warsaw Security Forum í Varsjá, höfuðborg Póllands.

Hodges lét af störfum í Bandaríkjaher á síðasta ári og starfar nú sem sérfræðingur á sviði öryggis- og varnarmála hjá bandarísku hugveitunni Centre for European Policy Analysis (CEPA) sem hefur höfuðstöðvar í Washington, höfuðborg Bandaríkjanna. 

Varnir Evrópu skipta Bandaríkin máli

„Bandaríkin hafa ekki bolmagn til þess að gera allt sem þau þurfa að gera í Evrópu og á Kyrrahafi til þess að bregðast við kínversku ógninni,“ sagði Hodges en ítrekaði að Bandaríkjamenn myndi ekki hvika frá skuldbindingum sínum gagnvart NATO.

Frétt af mbl.is

Kínverjar vígja flugmóðurskip

„Það er Bandaríkjamönnum í hag, og forystumenn Bandaríkjanna vita það, að hafa mjög öfluga evrópska stoð. Jafnvel þó Evrópuríkin verðu ekki einni evru í eigin varnir, stöðugleiki og öryggi í Evrópu er Bandaríkjunum í hag,“ hefur fréttaveitan AFP eftir honum.

Hodges sagði að bæði Donald Trump Bandaríkjaforseti og James Mattis vera meðvitaða um mikilvægi Evrópu. Bandaríkin myndu áfram leggja áherslu á varnir Evrópu og taka þátt í heræfingum í álfunni og á sama tíma búa sig undir líkleg átök við Kína á Kyrrahafi.

Bandaríski hershöfðinginn Ben Hodges. AFP

• 1 blogg um fréttina

Bloggað um fréttina

• Ómar Ragnarsson: 1954 horfði líka ófriðlega við Kínastrendur.