Segir af sér vegna vopnahlés
Varnarmálaráðherra Ísraels, Avigdor Lieberman, hefur sagt af sér embætti þar sem hann er mótfallinn vopnahléi á Gaza sem forsætisráherra Ísraels, Benjamin Netanyahu, samþykkti.
AFP
Setja bókamerki
Avigdor Lieberman, varnarmálaráðherra Ísraels, hefur sagt af sér embætti í kjölfar ákvörðunar Benjamin Netanyahu, forsætisráðherra Ísraels, að samþykkja vopnahlé á Gaza. Egyptar höfðu frumkvæði að samningum um vopnahléið sem forystumenn Hamas, og annarra fylkinga Palestínumanna á Gaza, og Ísraelar samþykktu seint í gærkvöldi.
Ákvörðun Netanyahu að samþykkja vopnahléið hefur valdið uppnámi í ríkisstjórn landsins og segir Lieberman að ísraelsk stjórnvöld hafi hér með gefist upp í baráttunni gegn hryðjuverkum.
„Með þessu er ísraelska ríkið að kaupa sér stundarfrið en til lengri tíma litið mun þjóðaröryggi okkar bíða hnekki,“ sagði Lieberman meðal annars þegar hann tilkynnti um afsögn sína.
Fundur hafinn hjá kennurum, ríki og sveitarfélögum
Koma fyrstu tölur á sunnudagskvöldið?
Íslensk kona handtekin á Tenerife eftir líkamsárás
Formaðurinn útilokar ekki undirritun í kvöld
Hvatti kjósendur til þess að greiða ógild atkvæði
Unnið að hraunkælingu allan sólarhringinn
Dæla, kæla og verja mikilvæg mannvirki
Rannsókn á menningarnæturmáli lokið