Vladimír Pútín Rússlandsforseti greindi í dag frá því að Rússar yrðu strax á næsta ári tilbúnir með ný hljóðfrá kjarnorkuflugskeyti. Sagði Pútín að með nýja vopnakerfinu sem ber nafnið Avangard, muni Rússar hafa nýja tegund hernaðarvopna, að því er Reuters fréttastofan greinir frá.

„Prófanirnar, en þeim var að ljúka, tókust fullkomlega,“ sagði Pútin á ríkisstjórnarfundi, eftir að hafa fylgst sjálfur með útsendingu á prófununum. „Frá og með næsta ári mun rússneski herinn hafa nýtt kerfi langdrægra eldflauga, Avangard ...þetta er stór stund hjá hernum og þjóðinni. Rússland hefur eignast nýja gerð hernaðarvopna.“

Avangard eldflaugakerfið er meðal annarra nýrra vopna sem Pútín kynnti fyrst í mars á þessu ári að væru væntanleg og sagði hann við það tækifæri að kerfið gæti gert eldflaugum kleift að eyða skotmarki sínu næstum hvar sem er í heimunum og komast undan eldflaugavarnarkerfi Bandaríkjanna.

Hefur Reuters eftir rússneskum varnarmálayfirvöldum að nýju eldflauginni hafi verið skotið á loft frá suðvesturhluta Rússlands og að hún hafi náð að eyða skotmarki í austurhluta Rússlands.

Tengdar fréttir

Rússland

Hefur áhyggjur af notkun eldflauganna

• Hótar Bretum og Bandaríkjamönnum
• Segir að Rússar séu að nota Úkraínu sem tilraunasvæði
• Hafði áður gagnrýnt rússnesk stjórnvöld
• Segir afstöðu Trumps margslungnari

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Slæm jólafrétt: því meiri hraði, því styttri viðbragðstími og gereyðingarhætta.