Féll út um glugga í leit að salerni

Ferðamaður lifði af tíu metra hátt fall út um glugga á lúxushóteli í Slóvakíu í vikunni, en hann opnaði gluggann fyrir slysni í leit að salerni.

Atvikið átti sér stað í skíðabænum Tatranska Lomnica í Slóvakíu. Ferðamaðurinn, sem er frá Tékklandi, dvaldi þar á lúxushóteli.

Samkvæmt slóvakískum miðlum átti atvikið sér stað skömmu eftir miðnætti þegar maðurinn, þá undir áhrifum áfengis, var í leit að salerni á staðnum en opnaði vitlausa hurð með fyrrgreindum afleiðingum.

Maðurinn var fluttur með sjúkrabíl til borgarinnar Poprad þar sem hann gekkst undir aðgerð, en hann hlaut innvortis áverka og margvísleg beinbrot í fallinu sem var um tíu metrar. Hann er nú sagður á batavegi.

• 1 blogg um fréttina

Bloggað um fréttina

• Jóhannes Ragnarsson: Þegar Kolbeinn fór dyravillt í húsi konunnar