Einn látinn í sverðsárás í Finnlandi

Að minnsta kosti einn er látinn og tíu eru slasaðir eftir að maður réðst að fólki með sverði í iðnskóla í Kuopio í Finnlandi.

Skólinn er staðsettur í verslunarmiðstöð í Kuopio, en hún var rýmd í kjölfar árásarinnar. Lögregla hefur handtekið einn og samkvæmt sjónarvottum beitti hún skotvopnum við handtökuna.

Af þeim tíu sem slösuðust eru tveir alvarlega slasaðir, en að öðru leyti fást litlar upplýsingar um líðan þeirra.

Samkvæmt lögreglu er hættuástand liðið hjá og búið er að boða blaðamannafund vegna árásarinnar klukkan fimm að staðartíma.

Umfjöllun yle í beinni

Fréttin hefur verið uppfærð með nýjustu upplýsingum

• 1 blogg um fréttina

Bloggað um fréttina

• Jóhannes Ragnarsson: Finnar eru róttækir í tiltektum, öfugt við vesalmennin á Íslandi