Sameinuðu þjóðirnar búa sig undir hið versta
Setja bókamerki
Sameinuðu þjóðirnar segjast nú búa sig undir hið versta í tengslum við hernað Tyrkja í norðausturhluta Sýrlands. Bandaríkin hafa ákveðið að draga her sinn frá Norður-Sýrlandi og landamærum Tyrklands og munu ekki hindra aðgerðir Tyrkja gegn Kúrdum í Sýrlandi.
„Við vitum ekki hvað mun gerast. Við búum okkur undið hið versta,“ segir Panos Moumtzis, mannréttindaráðgjafi SÞ í málefnum Sýrlands. Hann segir jafnframt að SÞ sé í samskiptum við alla aðila varðandi málið. Mikilvægast sé að tryggja að fleiri verði ekki sendir á landflótta og að mannúðaraðstoð til svæðisins verði áfram óhindruð.
Tyrkir álíta Kúrda hryðjuverkamenn og ætla sér að „hreinsa þá upp“ í norðurhluta Sýrlands. Kúrdar, sem berjast gegn hersveitum Ríkis íslams, hafa hins vegar varað við því að hernaður Tyrkja í Sýrlandi muni leiða til mikillar fjölgunar nýrra liðsmanna Ríkis íslams í landinu.
Kúrdar voru aðalbandamenn Bandaríkjahers í stríðinu gegn Ríki íslams í Sýrlandi. Nú virðast Bandaríkin hins vegar ætla að yfirgefa Kúrda og leggja örlög þeirra í hendur Tyrkja.
Moumtzis segir Sameinuðu þjóðirnar ekki hafa verið látnar vita af þessum áætlunum Bandaríkjanna.
Hraun kemur úr þremur gígum: Virknin stöðug
Drónamyndskeið frá hápunkti gossins í nótt
Litlar líkur á að hraunið nái til mannvirkja
Nýtt fangelsi í landi Stóra-Hrauns tilbúið 2028
/frimg/1/53/8/1530844.jpg)
Myndir: Náttúrulegur þröskuldur að taka við
Virknin dregist saman um 600 metra