Banda­rísk­ar her­sveit­ir yf­ir­gáfu stærstu her­stöð sína í Norður-Sýr­landi í dag. Tvö héruð í norður­hluta Sýr­lands hafa nú verið yf­ir­gef­in að fullu.

Her­sveit­ir Tyrkja hófu árás­ir á landa­mær­um Tyrk­lands og Sýr­lands 9. októ­ber síðastliðinn eft­ir að Banda­ríkja­menn til­kynntu að þeir hörfuðu frá svæðinu. 

Til­kynnt var um vopna­hlé seint á fimmtu­dag og gáfu Tyrk­nesk stjórn­völd Kúr­d­um frest til þriðju­dags til að yf­ir­gefa „ör­ugga svæðið“ sem tyrk­nesk­ar her­sveit­ir segj­ast vilja skapa meðfram suður­hluta landa­mær­anna fyr­ir þriðju­dag. 

Kúr­d­ar voru lyk­il­banda­menn Banda­ríkj­anna í bar­átt­unni gegn Ríki íslams í Sýr­landi. Tyrk­ir líta á Kúrda sem hryðju­verka­menn. 

Í dag kom frétta­rit­ari AFP auga á fleiri en 70 banda­rísk bryn­var­in far­ar­tæki keyra fram hjá norður­hluta sýr­lenska bæj­ar­ins Tal Tamr. Voru far­ar­tæk­in vopn­um búin og þeim fylgt af þyrl­um.

Frétt af mbl.is

Saka hvor ann­an um brot á vopna­hléi

Al­eppo og Raqua yf­ir­gef­in

Sýr­lenska mann­rétt­inda­skrif­stof­an sagði að bíla­lest­in væri að rýma stærstu her­stöð banda­ríska hers­ins í norður­hluta Sýr­lands. 

Er þetta í fjórða sinn sem Banda­rík­in draga herlið sitt til baka á einni viku. Eru héruðin Al­eppo og Raqua í norður­hluta Sýr­lands sögð gjör­sneydd banda­rísk­um her­mönn­um. 

Tyrk­ir og Kúr­d­ar hafa skipst á ásök­un­um um brot á fyrr­nefndu vopna­hléi. Ut­an­rík­is­ráðherra Tyrk­lands sagði í viðtali við tyrk­neska sjón­varps­stöð í dag að ein­hverj­ar her­sveit­ir Kúrda hafi dregið sig til hlés. 

Tengd­ar frétt­ir

Sýr­land

Lofa að rann­saka dráp á hundruðum borg­ara

• „Verðum að varðveita ein­ingu þjóðar­inn­ar“
• Fjöldi lát­inna hækk­ar ört í átök­un­um í Sýr­landi
• Á sjötta hundrað sak­laus­ir borg­ar­ar tekn­ir af lífi
• Rúss­ar missa mik­il­væga höfn

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Jónatan Karls­son: Farið hef­ur fé betra, en Banda­ríkja­menn frá Sýr­landi.