Fólk vanmeti reið ungmenni

Sænski lofts­lagsaðgerðasinn­inn Greta Thun­berg segir að fullorðið fólk eigi að hætta að reita yngri kynslóðina til reiði vegna hnattrænnar hlýnunar. Þetta sagði Greta meðal annars við komuna til Lissa­bon í Portúgal fyrr í dag eft­ir þriggja vikna sigl­ingu yfir Atlants­hafið.

„Fólk vanmetur máttinn sem reið ungmenni hafa,“ sagði Svíinn við fréttafólk þegar hún stóð á fastalandinu í Portúgal en hún heldur þaðan til Madrídar til að taka þátt í Lofts­lags­ráðstefnu Sam­einuðu þjóðanna, COP25.

Frétt af mbl.is

Greta Thunberg komin til meginlandsins

Fréttamaður sagði að mörgum fullorðnum þætti sem hún væri alltaf reið. „Við erum reið og pirruð og ástæðurnar fyrir því eru góðar,“ sagði Greta.

„Ef fólk vill ekki að við séum reið ætti það að hætta að reita okkur til reiði,“ bætti hún við.

• 1 blogg um fréttina

Bloggað um fréttina

• Sigríður Laufey Einarsdóttir: UNGA FÓLKIÐ SKOÐI EIGIN EINKANEYSLU