Útgöngubann tekur gildi í Bretlandi í kvöld og verður það í gildi næstu þrjár vikurnar eða fram til 13. apríl. Er það gert til að reyna að hefta útbreiðslu kórónuveirunnar í landinu.

Búðum sem ekki selja lífsnauðsynlegan varning verður lokað og ekki mega koma fleiri en tveir saman. Alls hafa 335 látist af völdum veirunnar í landinu.

„Haldið ykkur heima,“ sagði Boris Johnson forsætisráðherra Bretlands í sjónvarpsávarpi.

Almenningsgarðar verða áfram opnir en Johnson varaði fólk við að hópast þangað, líkt og margir gerðu í góðu veðri um helgina:

„Ef þið fylgið ekki reglunum geta lögregluþjónar sektað ykkur.“

Hann sagði útbreiðslu veirunnar mestu ógn sem Bretland hefði staðið frammi fyrir í fjölda ára og að sjúkrahús í landinu myndu bogna ef álagið myndi aukast jafn hratt og það hefur gert undanfarna daga.

„Ég hvet ykkur til að dvelja heim og bjarga mannslífum.“

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Alþjóðlegur vandi, staðbundnar lausnir