„Það er ljóst að við erum komin í kreppu,“ segir framkvæmdastjóri Alþjóðagjaldeyrissjóðsins, Kristalina Georgieva. Kreppan verði verri en sú síðasta, sem fylgdi fjármálakrísunni árið 2008.

Ummælin féllu á stafrænum blaðamannafundi sem haldinn var í dag. Georgieva sagði faraldur kórónuveirunnar hafa dregið alþjóðaefnahaginn í niðursveiflu sem krefjast myndi gífurmikilla fjárveitinga til aðstoðar þróunarlöndum.

Bera þegar þungar byrðar

Ríkisstjórnir nýmarkaðsríkja, sem þegar hafa horft upp á fjármagn upp á meira en 83 milljarða bandaríkjadala hverfa út og yfir landamæri sín undanfarnar vikur, hafa beðið um aðstoð sjóðsins að sögn Georgievu.

Mörg þeirra beri nú þegar þungar skuldabyrðar og muni þurfa hjálp.

Framkvæmdastjórinn fagnaði einnig rúmlega tveggja billjóna bandaríkjadala aðgerðapakkanum sem samþykktur var vestanhafs í dag. Sagði hún það bráðnauðsynlegt að mýkja fallið fyrir heimsins stærsta efnahag.

Frétt af mbl.is

Skrifar undir aðgerðapakka þingsins

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Minnsti hiksti banvænn