„Hefði getað farið á hvorn veginn sem er“
Setja bókamerki
Boris Johnson, forsætisráðherra Bretlands, segir að barátta hans við kórónuveiruna hefði getað farið á hvorn veginn sem er.
Johnson var útskrifaður af spítala í dag og hefur sent frá sér stutt ávarp sem hann birtir meðal annars á Twitter. „Ég vona að það sé í lagi þeirra vegna en ég verð að nefna tvo hjúkrunarfræðinga sérstaklega sem voru við sjúkrabeðinn í tvo sólarhringa þegar hlutirnir hefðu getað farið á hvorn veginn sem er,“ segir Johnson meðal annars.
Johnson hafði legið inni á St. Thomas-spítalanum í London með kórónuveiruna síðan á síðasta sunnudag en hann var fluttur á gjörgæslu á mánudag. Á fimmtudagskvöld var hann fluttur af gjörgæslu yfir á almenna deild, þaðan sem hann var svo útskrifaður.
Á meðan forsætisráðherrann náði fullum bata hélt staðfestum smitum og dauðsföll áfram að fjölga í Bretlandi og hafa nú yfir 10.000 látið lífið af völdum veirunnar í landinu. 737 létu lífið síðasta sólarhringinn, færri en sólarhringinn á undan, en heildardauðsföll eru orðin 10.612 talsins og smitin 79.885.
Koma fyrstu tölur á sunnudagskvöldið?
Ekki hægt að slá gosið út af borðinu strax
Falskur fyrirvari á auglýsingum Höllu
Dæla, kæla og verja mikilvæg mannvirki
Létu lofthræðsluna ekki á sig fá
Börnin eiga að ýta við foreldrum sínum