„Flóðbylgja haturs og rasisma“ vegna veirunnar
Setja bókamerki
Antonio Guterres, aðalframkvæmdastjóri Sameinuðu þjóðanna, vill að allt verði gert til að binda enda á „fljóðbylgju haturs og rasisma“ vegna kórónuveirunnar.
Guterres nefndi þó engin lönd þessu til stuðnings.
„Faraldurinn heldur áfram að valda flóðbylgju haturs og rasisma, skuldinni er skellt á aðra og hræðsluáróðri beitt,“ sagði hann í yfirlýsingu.
„Andúð í garð útlendinga hefur grasserað á netinu og á götum úti. Samsæriskenningar sem tengjast gyðingaandúð hafa breiðst út og einnig áróður gegn múslímum vegna COVID-19.“
Að sögn Guterres hefur verið litið á farandfólk og flóttamenn sem „illmenni og uppsprettu veirunnar og þeim neitaður aðgangur að heilbrigðisþjónustu“.
Bætti hann við að „blaðamenn, uppljóstrarar, heilbrigðisstarfsmenn, hjálparstarfsmenn og þeir sem berjast fyrir mannréttindum hafi verið ofsóttir fyrir að vinna sína vinnu“.
Fyrsti blaðamannafundurinn í heild sinni
Hrikalegt að heyra fréttirnar
Barn lést í árásinni
„Tímabil aukinnar eldvirkni“
„Mér finnst gamla Samfylkingin komin aftur“
„Aðstæður í stjórnmálum geta breyst á einni nóttu“
Alvarleg netárás á Wise
Samfylking og Viðreisn gáfu loforð
