Tíðarandi hættulegur hinsegin fólki
Setja bókamerki
„Fólk er hrætt í Ungverjalandi þegar fólk upplifir það að réttindi eru tekin af þeim,“ segir Þorbjörg Þorvaldsdóttir, formaður Samtakanna '78, en á þriðjudag voru samþykkt lög í landinu þar sem breytingar á kynskráningu eru bannaðar. Fólk má því ekki breyta skráðu kyni í samræmi við eigin kynvitund. Kyn á fæðingarvottorði er því aftur orðið varanlegt. Hún segir þetta enn eitt dæmi um ógnvekjandi þróun í Evrópu en hatursglæpum fjölgi einmitt í kjölfar umræðu af þessu tagi.
Ríkisstjórn harðlínumannsins Viktors Orban, sem nýverið tók sér alræðisvald í landinu, samþykkti lögin þrátt fyrir mótbárur stjórnarandstæðinga og samtaka hinsegin fólks en herferðinni „#Drop33“ var beint gegn lagasetningunni á samfélagsmiðlum.
„Það sem hefur einnig gerst í Ungverjalandi er að kynjafræði hefur verið bönnuð í háskólum þannig að þetta helst í hendur við tíðaranda sem er mjög hættulegur hinsegin fólki,“ segir Þorbjörg en rætt er við hana um ástandið í Ungverjalandi í myndskeiðinu.
/frimg/1/53/17/1531723.jpg)
Kálfur kom í heiminn á miðjum kosningafundi
77 ár á milli þess elsta og yngsta
Reiðubúin að aflýsa verkföllum í fjórum leikskólum
Varnargarðar hækkaðir um 3 til 4 metra
Gasmengun gæti borist yfir höfuðborgarsvæðið
„Höfum sloppið bærilega með skaða af þessu gosi“