Colin Powell styður Joe Biden
Setja bókamerki
Colin Powell, fyrrverandi utanríkisráðherra Bandaríkjanna, styður Joe Biden, fyrrverandi varaforseta Bandaríkjanna, í komandi forsetakosningum. Powell er fyrsti háttsetti repúblikaninn sem lýsir opinberlega yfir stuðningi við andstæðing sitjandi forseta, Donald Trump, í kosningunum sem fara fram í nóvember.
Powell, sem leiddi Bandaríkjaher í Persaflóastríðinu árið 1991 undir stjórn George H.W. Bush, fyrrverandi forseta Bandaríkjanna, og var utanríkisráðherra í ríkisstjórn George W. Bush, hefur áður stutt demókrata gegn repúblikana í forsetakosningum þrátt fyrir að vera sjálfur repúblikani.
Powell vandar Trump ekki kveðjurnar og segir forsetann vera hættulegan lýðræði landsins og að hann hafi hrakist af leið þegar kemur að ákvæðum stjórnarskrár landsins.
„Ég get engan veginn stutt Trump forseta í ár,“ segir Powell í viðtali við CNN. Spurður hvort hann muni kjósa Biden játaði Powell. „Ég mun kjósa hann.“
Trump svaraði á Twitter og sakaði Powell um að hafa leitt Bandaríkin inn í hörmuleg stríð í Mið-Austurlöndum.
Sendi nektarmyndir af dreng sem hann passaði
Fæðuöryggi: „Áttum mat í þrjár vikur“
Vinna hefst í dag við að reisa undirstöður
Fundur hafinn hjá kennurum, ríki og sveitarfélögum
Formaðurinn útilokar ekki undirritun í kvöld
Dæla, kæla og verja mikilvæg mannvirki
Koma fyrstu tölur á sunnudagskvöldið?