Fox News biðst afsökunar á línuriti
Setja bókamerki
Sjónvarpsstöðin Fox News hefur beðist afsökunar á að hafa birt grafík sem sýndi hvernig hlutabréfamarkaðir brugðust við eftir þekkt ofbeldisverk gagnvart svörtum mönnum. Til að mynda morðið á Martin Luther King og George Floyd.
Línuritið var birt á föstudag í þættinum „Special Report with Bret Baier“ og sást á því að markaðir hefðu hækkað eftir morðið á mannréttindaleiðtoganum árið 1968. Eins þegar lögreglan var sýknuð í máli Rodney King árið 1991, þegar unglingurinn Michael Brown var drepinn 2014 og síðan Floyd nýverið.
Í yfirlýsingu frá Fox News kemur fram að línuritið hefði aldrei átt að birta í sjónvarpi og stöðin biðjist afsökunar á þessu.
Birting línuritsins vakti mikla reiði því á sama tíma tóku þúsundir Bandaríkjamanna þátt í göngum þar sem lögregluofbeldi og rasisma var mótmælt.
Þingmaður Illinois, Bobby Rush, er einn þeirra sem tjáði sig um málið á Twitter en hann sagði að línuritið sýndi það að Fox News beri enga umhyggju fyrir svörtum.
Fyrrverandi formaður landsnefndar Repúblikanaflokksins, Michael Steele, setti á Twitter að þetta sýndi hvernig Fox News syrgði svart fólk, með því að að sýna hækkanir á hlutabréfamörkuðum.
Einhverjir aðrir fjölmiðlar, svo sem Forbes, bentu á að fjármálamarkaðir hefðu tilhneigingu til að hækka í kjölfar óróa í samfélaginu.
„Oft hefur verið þörf en nú er nauðsyn“
Líklega kvikusöfnun á miklu dýpi
„Ýkjukennt“ að segja viðræður „í rífandi gangi“
Gjörónýt eftir brunann
Telja eldinn hafa komið frá ólöglegri kamínu
Yfirlýsing frá Jóni: Hagnaðist ekki á knatthúsi
Á við Skuggahverfið