Hægri-öfgasinni ákærður fyrir morð

Liðþjálfi í bandaríska flughernum hefur verið ákærður fyrir morð á öryggisverði í Kaliforníu-ríki. Maðurinn, Steven Carrillo, er talinn vera í öfgahægri samtökunum Boogaloo. 

Carrillo er sakaður um að hafa orðið David Patrick Underwood að bana fyrir utan dómstól í Oakland á mótmælum vegna dauða George Floyd í síðasta mánuði. Þá er Carrillo einnig ákærður fyrir morðið á lögregluþjóninum Damon Gutzwiller, sem var myrtur í fyrirsátri nærri Santa Cruz 6. júní. Í báðum árásum slösuðust samstarfsmenn fórnalambanna. 

Samkvæmt alríkislögreglu Bandaríkjanna notaði Carrillo eigið blóð til að skrifa skilaboð á stolna bifreið , meðal annars „boog“ og „stöðvið tvíokunina“. „Boogaloo“ er hugtak sem hægri-öfgasinnar nota til þess að vísa í ofbeldisfulla uppreisn eða yfirvofandi borgarastyrjöld í Bandaríkjunum. 

Fylgismenn Boogaloo eru á móti tilvist ríkisstjórna og bera oftar en ekki á sér skotvopn.

Frétt BBC

Merki Boogaloo-hreyfingarinnar fannst á jakkavesti í bifreið Carrillo. Ljósmynd/Bandaríska alríkislögreglan

• 1 blogg um fréttina

Bloggað um fréttina

• Ásgrímur Hartmannsson: Hvað er "Hægri-öfgasinni?"